Hər nə qədər elektiriklə çalışan mühərrikli avtomobil trendi yüksəliş də olsa da, günümüzdə avtomobillərin böyük əksəriyyəti benzin və dizel ilə işləyir. Bu gün benzin növlərindən və onlar arasındaki fərqlərdən danışacam.
Benzin ən çox yayılmış yanacaq növüdür, müsbət tərəfi hər yanacaq doldurma məntəqəsində olması, mənfi tərəfi isə bahalı və ətraf mühitə zərərli olmasıdır. Bir çox benzin növü var: 92, 95, 98, flex fuel və əlavə olaraq dizel. Bəs yaxşı bunların arasında fərqlər nədir? Sürücü necə bilsin ki, avtomobilinə 92 markalı yoxsa 95 markalı yanacaq tökməlidir?
92 markalı benzin - yüksek sıxlığa malik, dünyada ən çox yayılmış yanacaqdır. Orta oktan səviyyəsinə malikdir və dünyada əksər minik avtomobilləri üçün üyğunndur.
95 markalı benzin - ən popülyar yanacaq növüdür, 95 oktan səviyyəsinə malikdir, ən son nəsil minik avtomobillərinin əksəriyyəti bu benzin növü ilə işləyir. Bu benzindən istifadə etdiyiniz zaman avtomobilin çevikliyi artır və yanacaq qənaət ilə sərf olunur. Yeni nəsil mühərriklərdə optimal performansın və mühərrikin qorunmasını təmin etmək üçün yalnız 95 oktanlı benzindən istifadə etməyi tövsiyyə edirlər.
98 markalı benzin - 98 oktan reytinqinə malik premium benzindir, turbo mühərriklər də daxil olmaqla, müasir texnologiyalardan hazırlanmış yeni mühərriklər üçün uyğundur.
Flex Fuel benzin - Flex fuel benzin dünyada ən məşhur alternativ yanacaqdır, 85% etanol və 15% benzindən ibarət E85 yanacağıdır. Bu yanacaq ilə işləyən avtomobillərə, Flexible Fuel transport - yəni çevik yanacaq ilə işləyən avtomobil deyilir. Yaxşi bəs çevik yanacaq nə deməkdir? Konstruktiv olaraq bu avtomobillər, həm benzin ilə həm də etanol qarısığı ilə işləyə bilir. Bu yanacaqlarda optimal etanol tərkibi 85%dir, bu mühərrikin soyuq işə salınmasını asanlaşdırır və emissiyaları azaldır. Flex fuel adi benzin ilə müqayisədə daha təmiz yanacaqdır.
Dizel - dizel yanacağı, dizel mühərriklərində istifadə olunan yanacaq növüdür. Dizel yanacağı benzindən daha yüksək enerji sıxlığına malikdir, bu da dizel mühərriklərinin eyni gücü istehsal etmək üçün daha az yanacaq istifadə etmesinə imkan verir. Dizel avtomobillərinin qenaetcil olmasının əsas səbəbi budur. Dizel yanacağı, adətən kerosin, yüngül yağlar kimi , yüngül neft məhsullarından ibarətdir. Azot oksidlərinin tullantılarının atmosferə çoxlu miqdarda atılması və bunun insan sağlamlığı, ətraf mühit üçün yaratdığı zərər dizel yanacağının mənfi xüsusiyyətidir.
