Bu gün el arasında təkərlərindən canavar çıxan maşın olaraq bilinən Nissan X-trail haqqında danışacağam.
Başlamamış çayxanada satmalıq bir məlumat da verim, Nissan X-trail 2013 cu ildən Amerika bazarında Nissan Rogue adı ilə buraxılıb.
X-trail, ilk dəfə 2001-ci ildə istehsal edilmiş və çox geniş yayılmış kompakt SUV-dur. Bu gün bu avtomobilin bəzi özəlliklərindən bəhs edəcəm.
1) Dizayn: Nissan X-trail zərif və modern dizaynı ilə yolda möhkəm və sağlam görüntü yaradır. Geniş və çox yönlü salonu isə sürücuü və sərnişinlərə komfortlu sürüş vəd edir.
2) Mühərrik - Nissan X-trail benzin, dizel, və hibrid mühərriklərlə istehsal edilsə də ölkəmizdə ən çox rast gəlinən növləri 2-2.5 həcmdə olan benzin mühərriklərdir.
3) Texnologiya - Nissan X-trail sürücülərin rahatlığını və təhlükəsizliyini artıran bir sıra texnologiyalar ilə təchiz olunub. Bunlara sürücü köməkci sistemləri, smartfonlar üçün proqramları, toxunma ekran sistemləri, panorama lyuk və açarsız girişi nümünə göstərmək olar.
4) Tam ötürücü sistemi - Bir çox avtomobillər ya arxa və ya ön ötürücü ilə işləyir, Nissan X-trailin isə ən gözəl özəlliklərindən biri tam ötürücü sistem ilə çalışmasıdır, bu özəllik yüksək dartma və çeşidli yollarda yola hakimlik imkanı verir. Özəllik ilə yolsuzluq və çətin hava şərtlərindən qaynaqlı sürüşkən yollarda sürücülərin çox köməyinə çatır.
5) Praktiklik və çox yönlülük - X-trail adətən çox yönlü və geniş salonu ilə seçilir. Arxa oturacaqlar tənzimlənə və qatlana biləndir.
