Kondisioner filtrenin ustaya getmədən özünüzün necə dəyişilməsi və hava borularını düzgün qaydada təmizləmə üsülu ilə bu bloq yazımızda sizə danışacağıq. Bu proses nümunə olaraq TOYOTA PRADO markalı avtomobil üzərində göstərilmişdir.
Yay fəslində kondisionerdən demək olar ki, hər gün istifadə edirdik. Lakin indi istifadə müddətində çirklənmiş hava borularını təmizləməyin zamanıdır. Çox güman siz də bilirsiniz ki, əgər hava boruları təmizlənməzsə və kondisioner filteri vaxtı-vaxtında dəyişilməzsə bu sağlamlığımıza ciddi fəsadlar yarada bilər.
Qeyd: Prosesi video formatda YouTube (@soloavto) kanalımızda izləyə bilərsiniz.
! Sərnişin daşıma ilə məşğul olan və gün ərzində böyük məsafələr qət edən avtomobillərdə bu proseduru etmək xüsusi ilə vacibdir.
Hansı ləvazimatlar lazım olacaq?:
-
Hava borularını təmizləmək üçün maddə (A/C cleaner - kondisioner təmizləmə mayesi). Bir prosedur üçün bir ədəd flakon kifayətdir.
-
Yeni kondisioner filtri.
-
Kolba və ya digər maye süzmək üçün qab.
1. Köhnə salon filterin çıxarılması
İlk öncə ayaqaltını çıxardırıq. Salon filteri “Toyota Prado”- da əlcək qutusunun (bardaçok) arxasında yerləşir. Əlcək qutusunu çıxardıqdan sonra salon filterini çıxardırıq və köhnə salon filtirini qapaqdan ayırırıq. Sonra qabı qoyuruq yerinə, amma hələki yeni filteri taxmırıq.
Avtomobilin üçün müxtəlif ehtiyat hissələri: Ehtiyat hissələri
2. Hava borularının təmizlənməsi
Lakin təkcə salon filteri ilə iş bitmir, qeyd etdiyimiz kimi hava borularının da təmizlənməsi həmçinin zəruridir. “AC cleaner”, yəni kondisioner təmizləyici mayedən istifadə edirik:
- İlk öncə maddəni çalxalayırıq və xortumu deflektorun dərininə bacardığımız qədər daxil edirik. Daha sonra maddəni püskürtməyə başlayırıq.
- Püskürtməni dayandırmamaq şərti ilə təmizləyici maddənin xortumunu hava borusundan ehtiyyat ilə çıxardırıq.
- Maddəni çalxalamağı unutmadan bu proseduru hər bir defletkor üçün ayrıca edirik.
3. Kondisioner buxarlayıcısının təmizlənməsi
Buxarlayıcını təmizləmək üçün avtomobilin drenajındakı kondisioner borusuna mayeni tətbiq etmək lazımdır. Bu boru vasitəsi ilə kondisionerin buxarlayıcısına maddəni ötürəcəyik. Ancaq qeyd edək ki, bu hər bir avtomobildə fərqli bölmələrdə ola bilər. "TOYOTA PRİUS"-da isə bu əlcək qutusunun altında yerləşir.
- Drenajdan kondisioner borusunu çıxardırıq və təmizləyici maddəni bu boruya mümkün qədər dərinə daxil edirik.
- Kondisioner borusunun alltına maye üçün qab yerləşdiririk və flakonu bitənədək püskürməyə davam edirik. Məqsədimiz maddənin boru ilə kondisionerin buxarlayıcısını təmizləməsidir. Beləliklə, təmizləyici maye borudan geri süzülərək qaba damcılarla tökülməyə başlayır.
- Şüşələri və qapıları bağlayıb 15 dəqiqə gözləyirik. Bu müddət ərzində salona daxil olmaq olmaz.
4. Buxarlayıcıdan kirli mayenin süzülməsi
15 dəqiqədən sonra salona daxil oluruq, ilk öncə avtomobili, daha sonra isə kondisioneri ən az dərəcədə, ən sürətli gücü ilə işə salırıq . Havanı istiqamətini isə salona ayarlayırıq.
Havanın dövriyyə rejiminin düyməsini basırıq və salonu 15 dəqiqəlik tərk edirik.
5. Avtomobilin havalandırılması
15 dəqiqə keçdikdən sonra mühəriyyi söndürürük və qapıları açıb, salonu havalandırırıq.
6. Yeni salon filterin yerinə quraşdırılması
Son olaraq yeni kondisioner filterini qapağına yerşəşdiririk və yerinə quraşdırırıq.
Bu proseduru ildə bir dəfə etmək kifayyətdir ki, avtomobildə daim təravətli hava olsun və ən əsası sağlamlığımız təhlükə altında olmasın.
Oxumağı tövsiyə edirik: Alışdırma şamlarını sıradan çıxaran 5 əsas səbəb
