Hibrid avtomobil necə yaranıb və necə işləyir?
"Hibrid" sözü "qarışıq" deməkdir. Hibrid nəqliyyat vasitəsi - daxili yanma mühərrikinə əlavə olaraq elektrik mühərrikindən istifadə edən nəqliyyat vasitəsidir. Bu avtomobillərdə birdən çox mühərrik var. Güc aqreqatları mürəkkəb transmissiya vasitəsilə gücü təkərlərə ötürmək üçün birlikdə işləyir.
İlk dəfə hibrid avtomobil 1900-1901-ci illərdə Ferdinand Porsche tərəfindən hazırlanmışdır. Birinci Dünya Müharibəsi illərində “Porsche” şirkətinin ordu maşınları artıq hibrid elektrik mühərrikləri ilə təchiz edilmişdi.
Lakin, “Toyota” brendi hibridlərin sayına görə liderdir və 1997-ci ildən bu avtomobillərin istehsalı fəaliyyətini davam etdirir. Şirkət həm “Prius” seriyasının adi avtomobilləri, həm Lexus RX400h seriyasının krossoverləri, həm də lüks avtomobillər şəklində - Lexus LS 600h modellərini hibrid mühərriklə istehsal edir.
2006-cı ildə dünyada yarım milyondan çox Prius hibrid modeli satıldı. “Toyota HSD” hibrid ötürücü texnologiyası Ford (“Escape Hybrid”), Nissan (“Altima Hybrid”) tərəfindən lisenziyalaşdırılıb.
Bir qayda olaraq, hibridlər eyni ölçülü benzin və ya dizellə işləyən avtomobillərdən daha dinamik və qənaətcildir. Bununla belə onlar daha baha başa gəlir və istismarı daha bahalıdır.
Nəqliyyatın tez-tez tıxac səbəbindən yavaşladığı və daha aşağı sürət tələb edən şəhər yerlərində yanacağa qənaət etmək üçün yalnız elektrik mühərrikindən istifadə etmək olar. Belə maşınlarda daxili yanma mühərriki avtomobilin bütün gücü tələb olunduqda istifadə edilməlidir. Müasir reallıqlarda hibrid elektrik stansiyaları təkcə şəxsi avtomobillərdə deyil, həm də yük maşınlarında, avtobuslarda və idman yarış avtomobillərində də istifadə olunur.
Hibrid avtomobilin adi avtomobildən fərqi nədir?
Hibridlərdə daxili yanma mühərrikinə elektrik mühərriki kömək edir. Bundan əlavə olaraq təkərlərin elektrik mühərriki ilə fırlandığı və daxili yanma mühərriki onu generator kimi qidalandıran sxemləri var.
Hibrid avtomobillərin müsbət və mənfi cəhətləri:
Hibrid avtomobilləin müsbət tərəfləri:
- yanacaq qənaəti
- ətraf mühitə daha az zərər verir
- səs izolyasiyasının olması
Ən əsas üstünlük yanacaq qənaətidir. Tipik olaraq belə avtomobillər təxminən 25% az yanacaq sərf edir.
Hibridin ikinci üstünlüyü aşağı toksiklik səviyyəsidir. Daxili yanma mühərriki işləmədikdə ətraf mühitə heç bir zərərli emissiya baş vermir.
Gücü yenidən bölüşdürməklə, hibrid avtomobil daha sürətli sürətlənir və daha yüksək sürətə çata bilir.
Belə maşınların digər üstünlüyü ondan ibarətdir ki, avtomobil işlək halda hərəkətsiz vəziyyətdə olduqda içəridə heç bir səs yaranmır.
Hibrid avtomobilində dörd təkərinin hər birinin öz elektrik mühərriki və dönmə mexanizmi ola bilər. Bu, avtomobilin yolsuzluq qabiliyyətini yaxşılaşdırır.
Hibrid avtomobillərin mənfi tərəfləri
- bahalı texniki xidməti və təmiri
- yüksək qiyməti
- batareyanın dəyişdirilməsi ehtiyacı
Hibridlərin əsas çatışmazlıqlarından biri bahalı texniki xidmət və təmirdir. Səbəb avtomobillərin daha mürəkkəb dizaynındadır.
Hibridlərin ikinci dezavantajı yüksək qiymətidir. Bir qayda olaraq, hibridlər elektrik mühərriki olmayan benzin və ya dizel mühərriki olan oxşar ölçülü avtomobillərdən daha bahalıdır.
Başqa bir mənfi cəhəti, ideal iş şəraitində belə batareyanın dəyişdirilməsi ehtiyacıdır.
! Oxumağı tövsiyə edirik: Yeni nəsil "Hyundai Santa Fe" nə vəd edir?
Azərbaycanda hibrid avtomobil almağa dəyərmi?
Əvvəla, hibridlər çox səyahət edən insanlar üçün faydalıdır. Bir şəxs avtomobildən nadir hallarda istifadə edirsə, benzin mühərrikli avtomobilə üstünlük verməsi məsləhətdir. Səbəb odur ki, hibridlər batareya boşaldıqca uzun müddət dayanmağı sevmirlər.
Qeyd edək ki, istifadə olunmuş hibrid avtomobil alarkən ilk növbədə akkumulyatorun qalan həcmini ixtisaslaşmış servis mərkəzində yoxlatdırmaq lazımdır.
Onu da bildirək ki, SOLO AVTO-da(Toyota, Lexus, Nissan, Infiniti, Mitsubishi, Hyundai, Kia) brendlərinin hibrid avtomobillərinin ehtiyat hissələrini də elə yerincə də əldə edə bilərsiniz.
Avtomobilinizə qulluq, ehtiyat hissələri və digər mövzular üçün bizi daim izləmədə qalın. Son olaraq isə özünüzə və avtomobilinizə yaxşı baxın!
