Ehtiyat hissələrinin birinin sıradan çıxması bütün qonşu ehtiyat hissələrinin sıradan çıxmasına səbəb ola bilər. Çünki, avtomobil çox mürəkkəb texnoloji cihazdır və burada bir detal bütün digərlərinə təsir edir.
Hər bir ehtiyat hissəsinin öz xidmət müddəti və ya yürüşü olduğu üçün, avtomobil sahibi zaman-zaman ehtiyat hissələrinin sıradan çıxması problemi ilə rastlaşır. Ancaq avtomobil sənayesi uzun illərdir inkişaf etsə də tez-tez sıradan çıxan və ya ən çox istifadə olunan ehtiyat hissələrinin siyahısı çox da dəyişilməyib. Bamper, güzgü, fara və pəncərə şüşələri tez-tez avtoservislərdə dəyişdirilir. Maraqlıdır ki, bu detallar ən çox tələb olunanlar arasında deyil.
Bəs statistikaya görə avtomobildə ən çox tələb olunan ehtiyat hissələri hansılardır?
1. QRM kəmər (zamanlama kəməri)
QRM kəməri dirsəkli val ilə qazpaylayıcı valın sinxron işləməsini təmin edir. Bu ehtiyat hissəsi sürücülər üçün hər zaman ən çox tələb olunan ehtiyat hissəsi olaraq qalır. 50.000 km sürüşdən sonra köhnəlmiş hesab olunurlar. Digər tərəfdən, orta xidmət müddəti qısadır. Bu müddət modeldən asılı olaraq 100.000 km-ə qədər ola bilər, bundan sonra isə artıq dəyişdirilməsini tələb edir.
2. Alışdırma şamları ən çox ələb olunan ehtiyat hissələrdəndir
“Sveça” yəni, alışdırma şamları benzin mühərrikinin silindrlərindəki yanacaq və hava qarışığını alovlandırmaq üçün lazımdır. Dizel mühərriklərində alışdırma şamlar yoxdur. Orada qarışıq sıxılma zamanı istilikdən alovlanır.
Sveça dediyimiz alışdırma şamlar alovlanma sisteminin "icraedici" mexanizmidir. Alışdırma şamları haqqında daha ətraflı: Alışdırma şamlarını sıradan çıxaran 5 əsas səbəb
3. “Nakladka”, yəni əyləc bəndləri
“Nakladka”, yəni əyləc bəndləri sürücülərin davamlı olaraq tələb etdiyi ehtiyat hissələrindən biridir. Onların populyarlığı hər kəs üçün aydındır, çünki bu sürücünün və sərnişinlərin təhlükəsizliyinin birbaşa asılı olduğu əyləc sisteminin ən vacib komponentidir.
Əyləc bəndləri haqqında ətraflı: Keyfiyyətli və keyfiyyətsiz əyləc bəndlərini bir-birindən necə ayırmaq olar?
4. Akkumlyatorlar
Siyahının ən məşhur digər avtomobil ehtiyat hissələrindən biridir. Akkumulyatorlar orta hesabla 300-1000 dəfə doldurulub boşaldılır, nəticədə tutum və doldurulma müddəti itir.
5. Hava və yağ filterləri
Hava filteri hər hansı həşərat, toz, hissəciklər, qum və ya zibilin mühərrikin yanma kamersına daxil olmasının qarşısını alır. Çirkli hava filteri mühərriyi oksigenlə təmin edə bilmir. Bu isə öz növbəsində avtomobilin performansına təsir edir. Dəyişdirilmə intervalı əsasən yerli şəraitlə bağlıdır.
Yağ filterini isə insan qaraciyəri ilə müqayisə etmək olar. Yağ filtrləri adətən yağla birlikdə dəyişdirilir. Yağ filtreri sürtkü yağında olan mühərrik üçün zərərli hissəcikləri, kiçik çöküntüləri, karbon və metal parçalarını mümkün qədər təmizləyir.
Beləliklə, bütün bunlar sürücülərin illərdir dəyişməz qalan avtomobil ehtiyat hissələri tələbatına uygun sıralamadır. Təbii ki, gələcəkdə yeni model avtomobillər və onlara uygun fərqli ehtiyat hissələrinin istehsalı bu statistkanı dəyişə bilər. Ancaq düşünürük ki, bu siyahıdakı bir çox ehtiyat hissələrinə olan tələbat olduğu kimi qalacaqdır.
Mitsubishi Ehtiyat Hisseleri I Lexus Ehtiyat Hisseleri I Hyundai Ehtiyat Hisseleri I İnfiniti Ehtiyat Hisseleri
Avtomobilinizə qulluq, ehtiyat hissələri və digər mövzular üçün bizi daim izləmədə qalın. Son olaraq isə özünüzə və avtomobilinizə yaxşı baxın!
