Avtomobil almazdan əvvəl mühərrikxananı necə yoxlamaq olar? Avtomobil alarkən necə bilək ki, maşın yaxşı vəziyyətdədir? Maşın alarkən ustaya getməzdən əvvəl mühərrikxananı necə yoxlamaq olar?
Bu blog yazımızda bunlardan bəhs ediləcək. Qeyd edək ki, bloqu video şəklində SOLO AVTO-nun YouTube kanalında (@soloavto) izləyə bilərsiniz.
Nümunə olaraq istifadə edəcəyimiz avtomobil Hyundai Accent modelidir.
Yeri gəlmişkən, istənilən Hyundai Accent ehtiyat hissələrini aşağıdakı linkdə tapa bilərsiniz: Hyundai Accent ehtiyat hissələri
1) Yağ izləri
İlk növbədə kapotu qaldırırıq. Yağ qapağı və onun ətrafını yoxlayırıq. Əgər onun ətrafında yağ izləri varsa, bu o deməkdir ki, müəyyən vaxtdan bir oraya yağı tökürlər. Ola bilər ki, avtoservisdə yağdəyişmə zamanı azca dağılıb, lakin əksər servislərdə yağı qıf ilə süzürlər. Buna görə böyük ehtimal avtomobilin mühərriki yağ yeyir və sahibi mühərrikə müəyyən vaxtdan bir yağ əlavə edir.
Oxumağı tövsiyə edirik: Maşın alarkən nələrə diqqət etmək lazımdır?
2) Yağ qapağı
Daha sonra mühərrikin yağ qapağını açırıq və baxırıq onun altına. Əgər yağ qapağının altında naqar dediyimiz qara çöküntü varsa, bu o deməkdir ki, mühərrikdə müəyyən problemlər var.
3) Karter qazları
Mühərriki işə salırıq. Qapağı yerləşdiririk mühərrikin üzərinə, yüngül titrətmə ola bilər, lakin qapaq yerində oynayırsa, bu o deməkdir ki, kompressiya aşağıdır, porşen halqaları və silindr divarları yaxşı vəziyyətdə deyil, və karter qazları təzyiq altında yuxarı tərəfə həddindən artıq çox gəlir. Mühərrikin içərisindən şəffaf tüstü çıxırsa bu normal haldır. Lakin göy tüstü çıxırsa avtomobilin kapotu bağlayırıq və oradan uzaqlaşırıq 
.
4) Mühərriyin üstü
İşığı yandırıb tuturuq mühərrikin iç tərəfinə. Əgər burada qara çöküntü çoxdursa, o deməkdir ki, keyfiyyətsiz yağdan istifadə ediblər, vaxtı-vaxtında dəyişməyiblər və ya mühərrikin yürüşü çoxdur.
5) Yağın rəngi və yonqar
Yağölçən çubuğu çıxardırıq və baxırıq yağın vəziyyətinə. Yağın rəngi qara olmamalıdır. Maksimum tünd qəhvəyi rəngdə olmalı və çubuğun üzərində yonqar olmamalıdır.
6) Mühərrikdən çıxan tüstü
Sonuncu, lakin ən vacib məqam, mühərrikdən çıxan tüstü. Mühərrikin dövrlər sayını 3.000-ə qaldırıb təxminən 4-5 saniyə saxlayırıq. Daha sonra anidən qaz pedalına 2-3 dəfə basıb, dövrləri 4.000 – 4.500-ə qaldırırıq. Səsboğucudan qara tüstü cıxırsa, bu o deməkdir ki, yanma düzgün qaydada baş vermir. Əgər göy tüstü çıxırsa, dəmək ki, mühərrikdə yağyemə problemi var.
Əgər yoxladığınız avtomobil bütün bu bəndlərdən uğurla keçirsə, onu əldə etməyə tələsməyin. Mütləq professional ustanın yoxlanışından keçirdin. Yaxşı olarki avtomobilin mühərrikini endoskopiya da edəsiniz. Təbii ki, avtomobilin yoxlanışı mühərrik ilə bitmir. Asqı sistemi, sürətlər qutusu və s yoxlanılmalıdır.
SOLO AVTO-da avtomobiliniz üçün ehtiyat hissələrini də elə bizdən əldə edə bilərsiniz.
