Əyləc diskləri yəni apornular təkərlə bir yerdə fırlanır və əyləc bəndininin əyləc kaliperinə sıxılması ilə avtomobili yavaşladan və yada dayandıran bir ehtiyat hissəsidir.
Bu gün əyləc disklərinin əyilməsinin 5 səbəbindən danışacağam.
1) Sürücü alışqanlıqları - Əgər, avtomobili idare etdiyiniz zaman əyləcə çox tez-tez və sərt basırsınızsa bu əyləc sistemində əhəmiyyətli miqdarda istilik yaranır, ve əyləc diski qızır. Həddən artıq istilik, əyləc diskinin genişlənməsinə və zamanla əyilməsinə səbəb olur.
2) Yeyilmiş əyləc bəndləri - Bildiyiniz kimi əyləcə basdığınız zaman əyləc bəndləri ilə əyləc diski arasında sürtünmə olur. Əgər əyləc bəndi yeyilibsə, bu zamanla əyləc diskin əyilməsinə səbəb ola bilər.
3) Su - Bəli səhv eşitmədiniz, yanlış zamanda əyləc diskinə dəyən soyuq su diski əyə bilər. Tutaq ki, uzun yoldan gəldiniz çatdınız Bakiya, avtomobili avtoyumaya apardınız, ordaki adam da qızmış təkərə yüksək təzyiq ilə suyu vurdu, bu əyləc diskini əyə bilər.
4) Yeyilmiş təkər topu - Yeyilmiş və sıradan çıxmış təkər topu, əyləc bəndlərinin qeyri bərabər aşınmasına və dolaysıyla əyləc diskinin əyilməsinə səbəb ola bilər.
5) Müddət - Hər şeyin ömrü olduğu kimi əyləc disklərin də bir ömrü olur. Əyləc diskləri, az öncə bəhs etdiyim kimi əyləc zamanı yaranan sürtünmə və istiliyə görə zamanla köhnəlir. Aşınma həddinə çatmış əyləc diski əyilməyə daha meyilli olur.
Bundan əlavə qeyd edim ki, ortalama olaraq apornunun ömrü 50000-100000 kilometr arası dəyişir.
