Sveça adı ilə tanıdığımız alışdırma şamlarının sıradan çıxma səbəblərindən və onların düzgün qaydada dəyişilməsi haqqında bu bloq yazımızda sizə danışacağıq.
! Qeyd: Əgər ustaya getmədən özünüz alışma şamlarını dəyişmək istəyirsinizsə bu prosesi SOLO AVTO-nun YouTube (soloavto) kanalında izləyə bilərsiniz.
Nasaz “sveça”, yani alışma şamları avtomobilinizdə bu problemləri yaradır:
- alışma prosesini düzgün yerinə yetirilməsinə mane olur;
- qığılcımı yayır və ya düzgün istiqamətə yönəltmir;
- mühərrikdə detonasiya yaradır (detonasiya “sveça”larda alışmanın vaxtından əvvəl baş verməsinə deyilir);
- yanacağın sərfiyyatın artırır, silindir divarlarına zərər verir.
İstesalçıların əksəriyyəti iddia edir ki, alışma şamları rahatlıqla 50.000 km-ə qədər istifadəyə yararlıdır. Bu aşağıda qeyd edilən iki şərtin yerinə yetirildiyi halda mümkündür:
- Avtomobil mühərriyi ideal vəziyyətdə olduqda;
- Keyfiyyətli yanacaqdan istifadə edildikdə.
Bu səbəblərə görə “sveça”ların, yəni alışma şamlarının dəyişilmə intervalı maksimum 30.000 km olmalıdır. 25.000 km isə arzuolunandır.
Alışdırma şamlarının (sveçalar) vəziyyəti həmçinin mühərrikdə hansı problemlərin olduğunu da bizə deyə bilər. Aşağıda ən çox rastalaşılan problemlər qeyd edilib:
1. Sveçanın yivlərinin (rezbalarının) üzərində yağ.
Bu problem adətən mühərrikin üst qapağının araqatı (prokladka) və yaxud klapan kipkəclərinin (klapan salniklərinin) yağ buraxdığı zaman baş verir.
2. Alışdırma şamlarının üzərindəki qara çöküntü. (El arasında “naqar” deyilir).
Bu problem yanma kamerasına yanacağın həddindən artıq çox, və ya yanacaq normada, hava isə az daxil olduğu zaman baş verir.
3. İzolyasiya üzərindəki izlər.
Bu problem adətən keyfiyyətsiz alışdırma şamlarında (sveçalarda) olur. Əlavə olaraq keçirici və elektrodun ara məsafəsi (zazoru) çoxaldıqda da olur. Qığılcım özünə daha rahat yol tapır və alışma düzgün qaydada baş vermir.
4. Elektorudun üzərində ağ izlər.
Havanın yanma kamerasında həddindən artıq daxil olması deməkdir və ya yanacağın yanma kamerasına havaya nisbətən az daxil olması deməkdir. Bəzən isə yanma kamerasına yağın daxil olması deməkdir, yəni bu avtomobildə yağ yemə olduğunun əlamətidir. Bəzi yağlarda olan qatqılar yanma kamerasına düşən zaman axıra kimi yanmır və belə izlər qoyur.
5. Elektrodun üzərində qırmızıtəhər izlər.
Benzində olan qatqılar, xüsusən də “feroseyin” maddəsinin təsiri ilə baş verir.
“Sveçaları” bağlayarkən qətiyən həddindən artıq sıxmaq olmaz və təbii ki, boş saxlamaq da olmaz. Normal qaydada sıxılır ki, gələcəkdə mühərrikdə problem yaranmasın.
Oxumağı tövsiyə edirik: Kondisioner filterini necə dəyişmək olar?
Ümid edirik verilən məlumatlar sizə avtomobilinizdəki alışma şamlarının yaratdığı problemləri aşkar etməyinizə köməkçi olacaqdır.
Aşağıda qeyd edilən videoya baxaraq isə alışma şamlarının ustaya getmədən necə dəyişildiyini görə bilərsiniz.
Avtomobiliniz, ona qulluq və təmiri haqqında daha ətraflı məlumatları YouTube kanalımızdan əldə edin. Yapon (Toyota, Lexus, Nissan, Infiniti, Mitsubishi) və Koreya (Hyundai, Kia) avtomobilləri üçün isənilən ehtiyat hissəsini SOLO AVTO əldə edin.
